ا شوفوا حياة العراقي التحشيشية واللة تفوتكم

جايبلكم حياة العراقي الضايجة..... ا شوفوا حياة العراقي التحشيشية واللة تفوتكم 007

اول ما ينولد
يضحك و يكمز و يلعب صدقة ل الله شكد محبوب
العمر 3 سنوات
كائن يخبل أي يجنن او يخمبص باللغة العامية ... محبوب من الجيران و من الكرايب...ابيضاني عيونة زرقاء اللون شعره اشقر
ذكي جدا يعرف 199 لغة علما بان عدد لغات العالم هو 120 لغة
العمر 3-5
و هاي المرحلة جدا مهمة في حياة الطفل العراقي...فيبدأ خلال هذه المرحلة
بتعلم كيفية تخدير الشاي و شربه و يتعلم ايضا اكل الطرشي مع كل وجبة
و يبدأ معها مرحلة المشاغبة و شراء الكلاشنكوفات و المسدسات و التدريب على
زرع العبوات ( شايفيهم من يحفرون الشارع ببسمار و يملوه كبريت و يشمرون
عليهه طابوكه )و هذا كلة بسبب افلام فاندام...د
لعنة الله على فاندام
العمر 5 سنوات
الله لا يراويك تبدأ مرحلة التحول في شخصية الطفل العراقي...من كائن
ملائكي الى قاتل البزازين و البريصية و العصافير و يصاحب هذا التحول تغير
فظيع في الشكل و يلاحظ على وجه الطفل اثار شخوط كثيرة و كانه وجهه كان في
سيدي درايف خربان
و يعزى هذا التحول الفضيع الى اختلاط هذا الولد بولد الجيران بعد ان كان
مختفيا عن الانظار لمدة 4 سنوات...يعني بين قوسين رااااااااااح الولد

و يبدأ ايضا بمتابعة الاخبار السياسية كل رأس بصل عفوا كل رأس ساعة
العمر 6-12
مرحلة الابتدائية
و يا لها من مرحلة شيقة
(عبرنا مرحلة الروضة لانمو الكل تدخل الروضة)
في هذه المرحلة يبدأ الطفل بحب الحياة و يجلس جنبا الى جنب مع بنات المدرسة و يلعبون دجاجة ميتة و ركيضان احيانا
وتبدأ في هذه المرحلة بوادر التأليف و الجذب لدى الطفل "ست حنان باستني 3
مرات اليوم" "اليوم بسطت 3 ولد 6 منهم انكسرت ايدهم و 9 انهزموا" "اليوم
كمت 13 مرة علسبورة و الصف كلة صفكلي"
اما من الناحية الدراسية فتعتبر هذه المرحلة هي الاكثر اشراقا في حياته
فدرجاته لا تقل عن 12 من 10 و اذا اخذ 10 من 10 فسوف يبدأ البكاء لان
البنات ميحبون بس الشطار
العمر 12 الى 18
يدخل الولد المتوسطة و تبدأ معها مرحلة العنف
وين الست حنان؟؟؟ وين الست جنان؟؟؟ وين الست سحر؟؟؟
وين صديقتي نجوى؟؟؟ وين بت جيرانة سلوى؟؟؟وين مروة؟؟؟
ينصدم الولد بعدم وجود اي عنصر نسائي حنون في مدرسته
و يتفاجأ بوجود استاذ حسين الملقب ب(حسين ابو عظلة) الذي اكتسب هذا الاسم من مدرسته القديمة

يبدأ مستوى الطالب بالتراجع في الصف الاول و يطلع كمال لاول مرة في حياته في صف الثاني متوسط
و تبدي مرحلة اكل الفلافل من القهر و الضوجة
و هكذا يستمر...بين كمال و بين رسوب الى ان يصل الى السادس
يشد حيله
و يحصل على معدل قوي يدخل على اثره المستشفى...العفو قصدي الجامعة
و يشاهد خلال هذا العمر ظهور بوادر للگرعة
و ابرز ما يميز هذه لفترة هوة كثرة ملاحقة الولد للبنات و لا يخلو حديث
ااولاد هذا العمر من (الحاتات) و يصاحب هذا الحديث الكثير من الجذب و
الهمبله و التأليف

العمر 18-22
يدخل الجامعة متحمسا لما سمعه عن وجود الجنس اللطيف فيها
و تبدأ مرحلة المصارحة ليخرج من الجامعة و رأسه معنجر من كثرة البواري
22-25
يدور على شغل
25
يتزوج و تبدأ المشاكل بعد اسبوع من الزواج و تستمر هذه المشاكل و العركات عادة مدى الحياة
عمره 40
مفجورة بصفة 6 سيارات مفخخة و 25 عبوة ناسفة و منطقتهم متعرضة للهجوم 18 مرة و مشارك ب 6 حروب و جيرانة كلهم مسافرين

عمره 50
بي قلب وسكر و ارتفاع بضغط الدم و ضعف بالنظر و تورم بالقدم و التواء بالركبة و ضعف بالمفاصل و و و
عمره 60
مكابل الاخبار و الجرايد و كاعد ميهلة يكوم من يم التلفزيون و لا دقيقة
اقوى شي عندة يطلع يوكف بالباب و يطكلة جكارة و يرزل
الجهال اللي يلعبون يم بيتهم و يرجع ينام

ووراهه يغص بعنبايه و يموووووووووت و تنتهي القصه و يجون البااااقين كلهم على نفس الدرب
و عاااااااااشو عيشة سعيدة
__________________

عاشت ايدك الموضع حلو ويخبل مثلك
تحياتي الك
A.H.M K!ller

[img] ا شوفوا حياة العراقي التحشيشية واللة تفوتكم 592990620

[/img]

هههههههههههههههههههههههههههههههههههههههههههه تحشيش يخبل
عاشت ايدك وردة تقبل فوتتي

هههههههههه
مشكور على التحشيشات الحلوة
ا شوفوا حياة العراقي التحشيشية واللة تفوتكم 562204

» واللة خوش شلة
» تعالوا شوفوا القراية اللي على اصوووولها
» شوفوا ادمن وهو يغسل لـ .....
» دعاء للشعب العراقي في ليله القدر
» محاضرات إنشاءت للدكتور عاطف العراقي