دارميات ان شاء الله تعجبكم

موضوع: دارميات ان شاء الله تعجبكم 7/8/2008, 7:19 pm

طول وجسم وعيون انهجم بيتك
الحلة كلهه تروح فدوة لمشيتك

دايخ وافكر بيك من بالي متروح
امشي ودعمت الباب حسبالي مفتوح

مخبل واحبك موت حب يهدم الحيل
عاد انت شوف شلون حب المخابيل

اهواك اظل اهواك يا منبع الحب
حسبالك آني انساك سولفهه عالدب

لو كلبي خان وياك لحظة بمحبته
لأزرعله ست عبوات واشعل صفحته

يا ريت ابيعن غاز يم الـ أحبه
و كل يوم ادك الباب واترسله دبّه

دورولي فيتر زين من كلبي ملّيت
لا بوَش لا كيجات بس شاصي ظليت

محبوبي دك الباب دكته عرفتهه
و من السطح للكاع روحي شمرتهه

هم سطل هم مزروف هم يدة مابيك
انعل ابو الينخاك لابو اليخاويك

ثلثين الك بالكلب وبثلثي الك ثلثين
وثلثين الك بالثلث هيج التوده العين

انذر نذر لو جيت وتشوفك العين
اكعد اصلي اسبوع يم باب الحسين

دم ينترس ويفيض كلبي من الفراك
صدكني احبك حيل ولعيونك اشتاك

لو غبت عن الروح احسبهه شدة
واحرك بدمع العين حتى المخدة

بيك احجي بيك ارتاح بيك انسه الهموم
كل لحظة من فركاك تنعد بألف يوم

مرات افز بالليل والكاهه سكتة
اتلمس الحيطان كل ظني انتة

فهمني يالمحبوب موقف حضرتك
بكلبي كاعد ليش قابل غرفتك

عايش جذب بجفاك كاضيهه بس نوح
صح الجسم وياي بس يمك الروح

اكعد بتالي الليل وادعي بصلاتي
يا ربي بعد فلان شلي بحياتي

تغفه وتفز العين مشتاكة ملكاك
وتصب دمع بسكوت ما ترضه تنساك

لو متت يابن الناس عني انت مسؤول
روحي ابتلت بهواك بس تستحي تكول

تمثال الك من ماس وبصدري منحوت
كل ساعة كلبي يروح ويبوسه بسكوت

دوخني حبك حيل خلاني مسطور
البس حزن بالعيد حسبالي عاشور

دارميات ان شاء الله تعجبكم 534174929

مرات افز بالليل والكاهه سكتة
اتلمس الحيطان كل ظني انتة

عاشووووووو عل ذوق الحلوو
لا تحرمنا من جديدك يا طير

تسلم وووردة عاااشت ايدك
لاتحرمنا من تواصلك

» دارميات عراقية
» دارميات عراقية بحتة
» دارميات كوميدة ع البنات بس بدون زعل
» ابو ذيات تعجبكم شباااااب وبنااااااااات
» .... بيجامات كلشششش حلووووووووة ..... اتمنى ان تعجبكم .....