ابوذيات رووووعة

موضوع: ابوذيات رووووعة 21/4/2008, 9:21 pm

كبل عنقود خــــــدك يمي داني
طيت وجفن عينك يمي داني
اغم كصتي واصيحـــن يميداني
يمي وماخذت ثاري بديه
-------------------
ااطلبه واجـــــــــــه وفاني سوادين
شدهني وصــارن براسي سوادين
يحكلي احزن عليك البس سوادين
الوجه والثوب اصبغهن سويه
---------------------------
لان ماريــــــــد اشوفك يوم حزني
وتدري ابسيف هجرك ولك حزني
كلبك انت وحـــــــدك الي حزني
و (حيازه وحمل) سلمتك بديه
---------------------------
لو راسا تكلي ارجــوك هدنه
وتعاركني وتــريد انوب هدنه
ولك والله العشك وياك هدنه
مريض انه تعال اسال عليه
---------------------------
لو مره تمــــــــــر مثل الشماته
وانا لنحرك يالاسمـر وك شماته
ولك مغــــــرور كالولي بشماته
صحيح ابشامتك تنغر عليه ؟
------------------------------
--------------------------
لـــــــو تعرفني احبك واشتمنك
ولان منطي للواشي وشتمنك
اريـــــد اليوم احضنك واشتمنك
واشوفك هم تذب روحك عليه
-------------------------
وشوف اشلون حالي منتسلني
ولكن سيف صــــدك منتسلني
الدمع يغلــب جوابي منتسلتي
اضحك بالجذب غصبن عليه
----------------------------
يا صاح طال هجرك مــر علينا
مو حتى الزاد بعدك مـر علينا
اذا بعدك تحبنا مــــــــر علينا
تعال وكروة التكسي علينه
-------------------------
سواد العين عكبك سال مني
وأعاند وي عذولي سالمني
جفوف هواي عكبك سالمني
ونارجفك ليهسه بين ايديه
-----------------------------
لو راسا تكلي ارجــوك هدنه
وتعاركني وتــريد انوب هدنه
ولك والله العشك وياك هدنه
مريض انه تعال اسال عليه
----------------------------
يا شارع اشوفنـــــــك وه تادي
اريد اصرخ بعالي الحس ونادي
وحسرتي تحرك اليابس ونادي
يمته تمر يمحبوبي عليه
----------------------
كلب يعوضك يـــوم لا اثنين لا عشره
حبيبي صاحبي هلي وكـل العشيره
رحت هسه ونسيت الملح والعشره
ونسيت كل لحظه انت جنت ما بين اديه
------------------------------
رقيق وروحي وي الولف ورعه
حطيته بوســــط دلالي ورعه
لعد بابه رحت بهمومي ورعه
بسرب شوكي يريت يحن عليه
------------------------
صفت بــــــس للدمع عيني وكتبي
طره لعبت بيـــــه انتــــــــه وكتبي
طبعت اسمك على اوراقي وكتبي
وحكم حبك علي بس الاذيه
----------------------------
ربك يا ترف من حسنه شهداك
وينهياله اليضــوك بيوم شهداك
يحلــو الطول كل تاس شهداك
بسهم عينك يبو شفايف نديه
--------------------------
اريد الدنيه تصفــه وياي بس يوم
وشوفك يا كحيل العين بس يوم
تنوح امي عليه وصحت بس يوم
الذنب ذنب الدهر قاسي عليه
---------------------------
علي فسر جفن عينك وسلهم
روح بـــــــــروح خلاني وسلهم
دحاجي بلطـف جيرانك وسلهم
شكثر باليوم ينشدكم عليه
--------------------------
حد اسيوف هجرانك و سلهه
وهاك الروح مرمرهـه وسلهه
يمك ناس ناشدهــه وسلهه
بشرع من حللت هجرانك عليه
------------------------------
شبدينه عل النحبه ما يحبنه
مثل سمج طبعـه ما يحبنه
بارد يلتشربـــــه ماي حبنه
وشربت يلكلت مالح شويه
--------------------------
زرع ريان مــــــــــــــــن كلبي ترابه
ومثل طعـــــم العسل يا عالم ترابه
دللته يا خلك الله وعله ذراعي تربه
وجه غيري وخداه من بين اديه
----------------------------
نهرت النفــــــــــس ما تقبل نهاري
دموعي يكتن على خدودي نهاري
اكضي بالحزن بعـــــــــــدج نهاري
وباليالي لا تسئليني شيصير بيه
---------------------------------
شجه للنفس ما جره و مالي
و ملك الموت اشوفنه و مالي
بعـــد ما تنفع اولادي و مالي
بس الجفن حصتي من الدنيه
----------------------------
جنه من الدفو ياناس حظنه
عشكنه وماكعد ويانه حظنه
وانا مازدت الطمع بس ردت أحظنه
ومن أحظنه الكعبه متفكه من ايديه
----------------------
روحي شلون أكضها من تهم بيك
ومثل تهمه حبيبي من تهم بيك
ولك ظيم اليمر بيه من تهم بيك
ولاجنك وانا مبين عليه
-----------------------

موضوع: رد: ابوذيات رووووعة 22/4/2008, 1:08 am

وشوف اشلون حالي منتسلني
ولكن سيف صــــدك منتسلني
الدمع يغلــب جوابي منتسلتي
اضحك بالجذب غصبن عليه
شكرا على الابوذيات الرائعه

موضوع: رد: ابوذيات رووووعة 22/4/2008, 4:32 am

حد اسيوف هجرانك و سلهه
وهاك الروح مرمرهـه وسلهه
يمك ناس ناشدهــه وسلهه
بشرع من حللت هجرانك عليه

عاشت ايدج عـ هالابوذيات الروعة والذوق الاروع
ننتظر كل جديد

موضوع: رد: ابوذيات رووووعة 22/4/2008, 9:00 pm

حد اسيوف هجرانك و سلهه
وهاك الروح مرمرهـه وسلهه
يمك ناس ناشدهــه وسلهه
بشرع من حللت هجرانك عليه

شكرا اولد ما وادمن عالمروووووووور

» صور خيول رووووعة
» صور عشاق رووووعة
» ابوذيات روعه...اهداء للمنتدى ياهلا
» ابوذيات...اهداء للعضو الطير...والعضو مصطفى العبيدي واخو العضوA.H.M Killer